مطبوعاتي اعلامیه
د دوی «د ښځو حقونه» یوازې د سیکولرو ښځو لپاره دي!
(ژباړه)

د ۲۰۲۳م کال، د اکټوبر په ۱۷مه، Middle East Eye د غزې په کچه ممتازې زده کوونکې، شیما اکرم صیدام د مړينې راپور ورکړ، چې د یهودي دولت له لوري د غزې په تړانګه کې د یوه هوايي بريد په ترڅ کې ووژل شوه. نوموړې په خپل ښوونځي کې د ممتازې فلسطیني زده کوونکې په توګه پېژندل کېده، چې د النصيرات د کډوالو په کمپ کې له خپلې ټولې کورنۍ سره یو ځای ووژل شوه. کورنۍ یې په جولای کې د هغې د ۹۹.۶ نمرو تر لاسه کول ولمانځل، چې تقریباً د منځنۍ دورې د آزموینې، چې التوجیهي آزموینه بلل کېږي بشپړې نمرې دي. هغې په یوه مرکه کې وویل: «ان د اسرایيلو د یرغل پر مهال مې هم زړه‌کړې پرېنښودې.»
هغې د خپلو لوړو نومرو له مخې د سيمې غوره پوهنتونونو ته لار موندلی شوی. خو د یهودي دولت د روان وحشت په سبب داسې ونه شول. هغې غوښتل چې د غزې په اسلامي پوهنتون کې خپلې زده‌کړې پیل کړي او هلته د انګلسي ژباړې زده‌کړه وکړي. همدا پوهنتون اوس د پرلپسې بمبارۍ په پایله کې نړېدلی. یوازې په شپږو ورځو کې تر ۶۰۰۰ ډېر بمونه غورځول شوي. د نوموړې پلار د هغې د استثنايي لاسته راوړنو په اړه خبریالانو ته وویل، سربېره پر دې چې دبرېښنا او اوبو کمښت د هغې علمي ژوند له ستونزو سره مخ کړی و، خو هغې له دغو ستونزو سره سره د بریاليتوب کلک هوډ درلود.
غربي رسنیو ته مهمه دا ده چې ښځې څومره لنډې جامې اغوندي او څومره له شریعته لرې کېږي. اوس مهال په غزه کې، ۵۰،۰۰۰ امیندوارې مسلمانې ښځې د ولادت سرچینو ته لاس رسی نه لري او  زرګونه میرمنې او ماشومان وژل شوي، یا هم په خپلو کورونو کې تر خاورو لاندې پراته دي، چې د رسنیو د خبر وړ نه ګڼل کېږي. داسې ښکاري چې د سیکولر حکومتونو، سازمانونو او فمينسټي ډلو لپاره، د ښځو ژوند د دوی په جنسیت پوې نه، بلکې عقیدې پورې اړه لري.
د ښځو حقوقو د خوځښتونو؛ چې معمولاً د تګ راتګ، زده کړې او فرصتونو ته د لاسرسي د ازادۍ ملاتړ کوي، له لوري دا لوی منافقت او چوپتیا ناڅاپي نه ده. دا د نژادپالنې، ملتپالنې او استعماري اجنډا یو واقعي انعکاس دی، چې په لومړي ځل د فيمينيسټ خوځښت رامنځته کېدو لامل شو. د Rockefeller بنسټ وغوښتل پر هغو ښځو ۵۰ سلنه ډېره مالیه وضع کړي، چې په کور کې کېني. اشراف پوهیدل چې د مور په غیاب کې، ماشومان داسې تربیه کېږي چې د خپلو چارواکو داسې خدمت وکړي لکه باداران یې چې وي.
ډیری فلسطیني ښځې چې کاروبارونه، کورونه او ځمکې یې درلودې؛ د ژوند هر اړخ یې ويجاړ شوی او د بیارغونې او جبران لپاره یې هیڅ مرسته نه ده ترلاسه کړې. اوس یهودي اشغالګر ته امر شوی چې د ځمکې او مال د اشغال تر څنګ د هغو څښتنان «وولي او ووژني»؛ له دې سره هغه فلسطینیان هم له منځه وړي چې له هوایي بریدونو ژوندي پاتې شوي.
موږ د رسول الله صلی الله علیه وسلم د امت په توګه نه شو کولای چې د خپلو خویندو ژوند او حقونو ته چانس ته پرېږدو او موږ همداسې ورته ګورو. موږ به د هغه اسلامي ژوند او نظام د بېرته راګرځولو لپاره هر ډول هڅې وکړو، چې عزتمنې مسلمانې ښځې یې مستحقې دي. موږ له هغه امت څخه چې قرآن او سنتو ته رښتیني دي، غواړو چې د یوازينۍ حللارې، د نبوت پر منهج راشده خلافت د تاسیس لپاره زموږ د هڅو ملاتړ وکړي. خلافت به د دغه باعزته اسلامي امت د ښځو د ژوند خوندیتوب او عزت تامين کړي. الله سبحانه وتعالی فرمايي:

 «مَن كَانَ يُرِيدُ ٱلۡعِزَّةَ فَلِلَّهِ ٱلۡعِزَّةُ جَمِيعًا» [فاطر: ۱۰]
ژباړه: «څوک چې عزت غواړي، هغه باید پوه شي چې عزت ټول د الله تعالی دی.»
د حزب التحريرـ مرکزي مطبوعاتي دفتر د ښځو برخه
ژباړن: محمد حامد