بسم الله الرحمن الرحيم
(ژباړه)
[مِنَ الْمُؤْمِنِينَ رِجَالٌ صَدَقُوا مَا عَاهَدُوا اللهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا]
ژباړه: «په مومنانو کې داسې شخصیتونه شته چې له الله سره یې کړې ژمنه رښتیا کړې ده: له هغو څخه چا خپل پیمان پوره کړ او څوک یې د وخت راتلو ته په تمه دي. هغوی په خپل عهد او پیمان کې هېڅ بدلون را نه وست (او په خپل کار کې لږ هم کاږه نه شول)». [احزاب: ۲۳]

د حزب التحریر امیر ټولو مسلمانانو او په ځانګړې توګه د حزب التحریر شبابو ته د محترم ورور، ابو انس پر مړینه د خواخوږۍ مراتب وړاندې کوي. مرحوم پنجشنبه د ۲۰۲۳م کال، د مې میاشتې په ۱۸مه، د سهار لمانځه مهال په اسټرالیا کې وفات شو.
ابو انس رحمه الله د امیر د دفتر غړی او د حزب له ارکانو څخه و. مرحوم د بې عدالتۍ پر وړاندې د مقاومت او د حق په لار کې د ټینګې مبارزې اوږده سابقه لري؛ په دغې لاره کې ستونزو، کړاوونو او په زندانونو کې د ظالمانو ځورولو هېڅکله متزلزل نه کړ، بلکې لا یې پیاوړی کړ.
په دې دنیا کې یې سترګو د رسول الله صلی الله علیه وسلم رایه بیرغ ته کتل... او په اخرت کې، لکه څنګه چې الله سبحانه وتعال فرمایي.

[إِنَّ الْمُتَّقِينَ فِي جَنَّاتٍ وَنَهَرٍ * فِي مَقْعَدِ صِدْقٍ عِنْدَ مَلِيكٍ مُقْتَدِرٍ]
ژباړه: «له نافرمانۍ ډډه کوونکي (پرهیزګاران) به په باوري توګه به باغونو او ویالو کې وي؛ (دا جنت) د ډېر مقتدر باچا (الله تعالی) پر وړاندې د رښتینې عزت ځای دی.» [قمر: ۵۴-۵۵]

الله سبحانه و تعالی دې زموږ پر ورو ورحمېږي او په جنت کې یې دې له پیغمبرانو، صدیقینو، شهداوو او صالحینو سره محشور کړي. زموږ، د مرحوم کورنۍ او ټولو مسلمانانو ته له الله سبحانه و تعالی څخه دغه حالت غواړو چې فرمايي:

[الَّذِينَ إِذَا أَصَابَتْهُمْ مُصِيبَةٌ قَالُوا إِنَّا للهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ]
ژباړه: «هغه کسان چې کله کوم مصیبت پرې راشي، نو ووایي: موږ د الله (سبحانه و تعالی) یو او د هغه (سبحانه و تعالی) لوري ته ورګرځېدونکي یو. دا همغه کسان دي چې د دوی د رب له لوري پرې بښنه او رحمت دی او همدا کسان د سمې لارې موندونکي دي» [بقرة:۱۵۶- ۱۵۷]

الله سبحانه وتعالی دې تاسو د خپل پراخه رحمت تر سیوري لاندې راولي، اې ابو انسه ... موږ یوازې هغه څه وایو چې پیغمبر صلی الله علیه وسلم د خپلو سترګو تور، خپل زوی، ابراهیم پر مړینه ویل:

«إِنَّ الْعَيْنَ تَدْمَعُ وَالْقَلْبَ يَحْزَنُ وَلَا نَقُولُ إِلَّا مَا يَرْضَى رَبُّنَا وَإِنَّا بِفِرَاقِكَ يَا إِبْرَاهِيمُ لَمَحْزُونُون»
ژباړه: «سترګې ژاړي او زړه خپه دی، خو موږ یوازې هغه څه وایو چې زموږ رب پر راضي کېږي، له تا څخه په جلا کېدو خواشیني یو اې ابراهیمه.» [بخاري، مسلم]

الله سبحانه وتعالی دې پر تاسو ورحمېږي اې زموږ د لارې ملګریه، ابو انسه. انا لله و انا الیه راجعون، بې شکه چې موږ د الله سبحانه و تعالی یو او د هغه لور ته ورګرځو.

ستاسو ورور او د لارې ملګری
 شیخ عطا بن خلیل ابو الرشته
د حزب التحریر امیر
۱۴۴۴ هـ.ق کال د شوال ۲۸مه
۲۰۲۳م کال، د مې ۱۸مه