د اونۍ خبره: د پاکستان-افغانستان کړکیچ د امریکا د ستراتیژی برخه ده، چې اساسي حل ورته په کار دی
تېره
اونۍ (کب ۲۷مه ۱۴۰۲) د پاکستان هوایي ځواکونو د افغانستان په خوست او پکتیکا
ولایتونو کې په یو شمېر سیمو هوایي بمبارۍ وکړې چې د رپوټونو له مخې، یوشمېر ملکي
وگړي پکې مړه او ټپیان شول. دا هوایي بریدونه په داسې حال کې ترسره شول چې د افغانستان
او پاکستان اړیکې د افغانستان د اوسني نظام له رامنځته کیدو را پدېخوا، خړې پړې او
تر وسلوالو نښتو رسېدلې دي.
دا
لومړی ځل نه دی چې د پاکستان پوځ د افغانستان پر خاوره هوایي بریدونه کوي. تر دې
وړاندې، هم څو ځله د پاکستان پوځ په افغانستان کې هوایي او هدفي بمبارۍ کړي، چې
ځاني او مالي زيانونه يې هم لرل.
د
افغانستان او پاکستان اوږدې کشالې او خرابو اړیکو کې له یوې خوا د «نشنلیزم زهرجنه
مفکوره» بنسټيز تخریبي رول لري او له بلې خوا د امریکا متحده ایالاتو د «اسلام ضد»
پالیسي ده چې، په سیمه کې د پاکستان د نظامي-سیاسي دستگاه لخوا پلې کیږي.
د
پاک-افغان کړکیچ کې څو مسئلې نغښتې دي. دا مسئلې د دې لامل
کیږي چې دغه کړکیچ په دایمي توگه روان وي او هیڅکله د کرښې دوه خواوو ته پراته
ورونه او خویندې په سوله او هوساینه کې
ژوند و نه شي کړی. هغه مسایل چې د افغانستان او پاکستان ترمنځ د دایمي تربگنۍ لامل
شوي، دا دي:
۱ – د امریکايي
دولت د اسلام ضد پالیسي: د امریکا متحده ایالاتو د پاکستان له دولته غوښتي او دنده
یې ورکړې چې پر افغان دولت خپل فشارونه ډېر او روان وساتي. پر دې مسله د پاکستان د
پوځ مشر عاصم مونیر واشنگټن ته په خپل
وروستي سفر کې له امریکایی لوري سره تفاهم ته رسېدلی دی. د دغه تفاهم له مخې،
پاکستاني دولت منلې چې پر افغان دولت فشارونه (سیاسي، نظامي، اقتصادي او تجارتي) روان
وساتي او ورځ تر بلې يې ډېر کړي. ځکه چې دا د افغانستان پر وړاندې د امریکا د
ستراتیژۍ برخه ده او پاکستان یې باید عملي کړي.
۲ – د هند
هوساینه: په سيمه کې د امریکا سیاست دا دی چې هند د پاکستان او نورو دولتونو له
مزاحمتونو خلاص وي او دې ته فارغ وي چې خپله ټوله پاملرنه د چین پر وړاندې پر
مبارزې ورټوله کړي. د دې موخې د ترلاسه کولو لپاره، د هند تاریخي دښمن (پاکستان)
باید له هند سره د کشمیر قضیه هېره کړي او نور د کشمیر د آزادۍ او د مجاهدینو له
ملاتړه لاس واخلي. د هند پر ځای بايد خپله انرژي د پاکستان د قبایلو، اسلامي-
جهادي ډلو او د افغان دولت پر تضعیف او ځپلو ولگوي.
۳ – د افغانستان
د فعلي نظام کمزوري کول: د افغانستان پر وړاندې د پاکستان د نظامي- سیاسي دستگاه
پالیسي دا ده چې په افغانستان کې هیڅکله یو قوي دولت رامنځته نه شي. ځکه چې دا د
دولت-ملت (نشنلیزم) د فکر پر اساس د پاکستان په زیان تمامیږي. همدا شان، د افغانستان
د فعلي نظام پر وړاندې د پاکستان سیاست دا دی چې پرېنږدي چې دغه نظام غښتلی او په
خپلو پښو و دریږي. ځکه چې قوت يې د ضعیف او کاواکه پاکستان په معنی دی. نو د اوسني
افغان دولت سیستماتیک کمزوري کول، د پاکستان د نظامي دستگاه اوږدمهاله پالیسي ده
چې په مختلفو بڼو یې پلي کوي.
پورته
مسئله یوازې د پاکستاني دولت فکر نه، بلکې د ټولې نړۍ د دولتونو فکر دی. ځکه چې نه
امریکا او نه نور دولتونه منلی شي چې یوه اسلامي-جهادي ډله دې قدرت ته ورسیږي او
هغه دې بیا ځواکمنه شي. مگر دا چې له خپلو ارزښتونو لاس واخلي.
د
پورته موخو د تعقیب او تحقق لپاره، د پاکستان نظامي-سیاسي مشرانو له افغانستان سره
د خصومت او دښمنۍ سیاست غوره کړی دی او د دغه وضعیت د دوام لپاره زمینه سازي کوي.
که افغان دولت هر څومره نرمښت و ښیي او وغواړي چې له پاکستان سره وضعیت کابو او د
تفاهم ژبه رامنځ ته کړي، بیا هم پايله نه ورکوي. ځکه چې د پاکستان دولت د امریکا له
متحده ایالاتو څخه په افغانستان کې د فعلي نظام پر ضد د «فشار او کمزوري
کولو» پروژه اخیستې ده او هغه باید پلي
کړي. که د امریکا گټې ایجاب کړي او پاکستان ته ووایي چې له افغانستان سره د جگړې
تر بريده مخکې ولاړ شي، نو د پاکستان پوځ دا کار کوي او دا ټاکنه هم د میز پر سر
ده.
نو
اصلي خبره دا ده چې له پاکستان سره روان کړکېچ د یوې لويې ستراتیژۍ برخه ده چې تر
شا یې د امریکا متحده ایالات ولاړ دي او د پاکستان دولت یې د یوه اجیر په توگه د
عملي کولو مسؤولیت لري.
خو
تر ټولو اساسي، واقعي او دایمي حل لاره دا ده چې د افغانستان اوسنی حکومت خپل ټول
ځواکونه او انرژي منظم او راټوله کړي. تر څنگ یې د پاکستان مجاهدین، په افغانستان
کې شته مهاجر مجاهدین، په امت کې شته نور سیاسي-فکري ظرفیتونه سره منسجم او راټول کړي او
د یوې عملي ستراتیژۍ له مخې، له سیکولریزم او اجیرو رهبرانو څخه د پاکستان د آزادۍ
طرحه جوړه او ژر عملي کړي. پاکستان له سیکولریزم او د امریکا له ښکېلاکه آزاد کړي.
په افغانستان، پاکستان او منځنۍ آسیا کې دويم راشده خلافت اعلان او دا درې مؤمن
ولسونه له کفري نظامونو، د غرب له فکري، سیاسي، اقتصادي او فرهنگي ښکېلاکه خلاص او
د آرامه او با عزته ژوند خاوندان کړي. له دې پرته، بله هره حل لاره، موقتي او بې
پایلې ده.
دا
حللاره د الله تعالی، د هغه د رسول صلی الله علیه وسلم، د سیمې د مجاهدینو او د
دې سیمې د لوی امت غوښتنه ده. په دې سره به د دنیا او آخرت عزت او سرلوړي زموږ په برخه
شي او دا سیمه به د امریکا او د امریکا د لاسپوڅو حکامو له روان شر او فساد څخه
خلاصه او د اسلام په نور به منوره شي، انشاءالله.